काठमाडौँ : सोमबार सुनको मूल्यमा वृद्धि भएको छ । आइतबारको तुलनामा आज सुन प्रतितोला३०० रुपैयाँले वृद्धि भएको नेपाल सुनचाँदी व्यवसायी महासंघले जनाएको छ।
तीन सयका दरले मूल्य बढ्दा छापावाल सुनको मूल्य सोमबार ८९ हजार ३०० रुपैयाँ कायम भएको छ भने तेजावी सुनको मूल्य ८८ हजार ८५० रुपैयाँ कायम भएको छ ।
नेपाल सुनचाँदी व्यवसायी महासंघका अनुसार चाँदी पनि तोलामा १० रुपैयाँले बढेको छ । आज चाँदी तोलाको एक हजार १६० रुपैयाँमा कारोबार भएको छ।
