संयुक्त राष्ट्रसङ्घीय सुरक्षा परिषद्ले पाकिस्तानमा भएको हिंसात्मक आक्रमणको कडा शब्दमा निन्दा गरेको छ ।
परिषद्ले शुक्रबार विज्ञप्ति प्रकाशन गर्दै पाकिस्तानमा भएको सो हमला एक प्रकारको कायर र क्रुर आतङ्कवादी हमला भएको बताएको छ ।
पाकिस्तानको उत्तरपश्चिमी प्रान्त खैबर पाक्थुन्क्वामा सो आतङ्ककारी हमला भएको थियो । त्यस आक्रमणमा परेर नौ जना चिनियाँ नागरिक र तीन जना पाकिस्तानी नागरिकको ज्यान गएको थियो ।
गएको जुलाई १४ मा भएको सो आतङ्ककारी हमला मानवता विरुद्धको अपराध भएको भन्दै संयुक्त राष्ट्रसङ्घीय सुरक्षा परिषद्ले त्यस हिंसात्मक हमलामा संलग्न भएका जो सुकै भए पनि कडाभन्दा कडा कारबाही गर्नुपर्नेमा जोड दिएको छ ।
संयुक्त राष्ट्रसङ्घीय सुरक्षा परिषदद्वारा जारी गरिएको विज्ञप्तिमा दोषीलाई कानुनी दायरमा ल्याएर कडाभन्दा कडा कारबाही गर्नुपर्ने माग गर्दै यस्ता हिंसात्मक कार्यले कसैको पनि माग पूरा नहुने बताइएको छ ।
विज्ञप्तिमा सो हमलामा परी ज्यान गुमाएकाप्रति श्रद्धाञ्जलि व्यक्त गरिएको छ र उनीहरुका परिवारप्रति हार्दिक समवेदना व्यक्त गरिएको छ ।-एजेन्सी
