काठमाडौं : संसद्मा बहस गर्न प्रधानमन्त्री केपी शर्मा ओलीलाई चुनौती दिएका कांग्रेस सांसद गगन थापालाई नेकपा एमाले सांसद महेश बस्नेतले सांसदको संख्या देखाएर जवाफ दिएका छन्।
बिहीबार प्रतिनिधिसभाको विशेष समयमा प्रमुख विपक्षी कांग्रेसका सांसद थापाले ओलीको सरकारले तीन वर्षको समयमा के गर्यो भन्ने विषयमा सदनमै बहस गर्न चुनौती दिएका थिए ।
संसद्को संख्या देखाउँदै नेता बस्नेतले संसद्मा सबैभन्दा ठूलो दलको हैसियतले नेकपा एमालेले नै प्रतिनिधित्व गर्ने बताए ।
‘आज संसदमा सबैभन्दा ठूलो दलको हैसियतले नेकपा एमालेले प्रतिनिधित्व गर्छ र प्रधानमन्त्रीले ल्याएका असङ्ख्य योजनाहरूलाई हामीले सके सहयोग गरौं नसके बस्तुनिष्ट ढङ्गले त्यसको विरोध गरौं’, नेता बस्नेतले भने ।
