काठमाडौँ । सरकारले स्वीकृतिका लागि पठाएको संवैधानिक परिषद् सम्बन्धी अध्यादेश राष्ट्रपति कार्यालयले फिर्ता पठाइदिएको छ । सरकारद्वारा सिफारिस गरिएको ‘संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश, २०८३’ लाई फिर्ता पठाएपछि अब सरकारले के गर्छ भन्ने विषयमा बहस सुरु भएको छ ।
संविधानविद् तथा वरिष्ठ अधिवक्ता डा.भीमार्जुन आचार्यका अनुसार राष्ट्रपति कार्यालयले अध्यादेश फिर्ता पठाउनुमा पहिलो कारण भनेको उनले विगतमा दुई पटक सोही व्यहोराको अध्यादेश फिर्ता पठाएकाले नैतिक रूपमा पनि उनले जारी गर्न अस्वीकार गरेका हुन् । सो विषयमा राष्ट्रपति कार्यालयले पनि यसअघिको दृष्टान्त पेस गरेर पुनर्विचार गर्न भनिसकेको उनले बताए।
