काठमाडौँ :मौसम पूर्वानुमान महाशाखाका अनुसार
सक्रिय मनसुनका कारण आज बिहान सामान्य बदली भई वाग्मती, गण्डकी र लुम्बिनी प्रदेशका केही स्थानहरुमा हल्का वर्षा भइरहेको छ ।
दिउँसो, प्रदेश १, वाग्मती, गण्डकी , कर्णाली र सुदूरपश्चिम प्रदेशका एक-दुई स्थानमा मेघगर्जनसहित भारी वर्षाको सम्भावना रहेको छ ।
राति, देशभर सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ। बागमती, गण्डकी , लुम्बिनी र सुदुरपश्चिम प्रदेशका केही स्थानमा मेघगर्जनसहित भारी वर्षाको सम्भावना रहेको छ।
