काठमाडौं : बुधबार(आज)देशका धेरै जसो स्थानमा हल्कादेखि मध्यम वर्षा हुने, जल तथा मौसम विज्ञान विभागको मौसम पूर्वानुमान महाशाखाले जनाएको छ।
बिहान कर्णाली र सुदूरपश्चिम प्रदेशका केही स्थानमा हल्कादेखि मध्यम वर्षा भइरहेको महाशाखाले जनाएको छ।
दिउँसो, कर्णाली र सुदूर पश्चिम प्रदेशमा भीषण वर्षाको सम्भावना छ। अन्य भेगका धेरै स्थानमा हल्कादेखि मध्यम वर्षाको सम्भावना रहेको छ। प्रदेश १ र बागमती प्रदेशका एक दुई स्थानमा भने भीषण वर्षा हुनेछ।
राती, कर्णाली र सुदूर पश्चिम प्रदेशमा भीषण वर्षाको सम्भावना रहेको छ। प्रदेश १ र बागमती प्रदेशका एक दुई स्थानमा पनि भीषण वर्षाको सम्भावना रहेको, महाशाखाले जनाएको छ।
