भारतका विभिन्न क्षेत्रमा बुधबार बिहान भूकम्प गएको छ । राजस्थान, मेघालय तथा लद्दाखमा भूकम्प गएको बताइएको छ।
भारतको राष्ट्रिय भूकम्प विज्ञान केन्द्रले राजस्थानको बीकानेरमा आज बिहान ५ बजेर ३९ मिनेटछमा भूकम्पको गएको जनाएको छ । बीकानेरमा ५ दशमलव ३ रेक्टर स्केलको भूकम्प मापन गरिएको छ ।
त्यस्तै मेघालयको वेस्ट गारो हिल्समा राती २:१० बजे भूकम्प महसुस गरिएको थियो। राष्ट्रिय भूकम्प विज्ञान केन्द्रले मेघालयमा गएको भूकम्पको ४.१ रेक्टर स्केल मापन गरेको छ ।
लद्दाखमा चाहिँ बिहान सवा ५ बजेतिर भूकम्पको झट्का महसुस गरिएको छ, जसको मापन ३ दशमलव ६ रहेको जनाइएको छ ।
भूकम्पको कारणले जनधनको क्षतिको बारेमा कुनै जानकारी आएको छैन।
