काठमाडौं : राष्ट्रपति विद्यादेवी भण्डारीले प्रतिनिधिसभा र राष्ट्रियसभाको बैठक आह्वान गरेकी छन्।
मन्त्रिपरिषद्को सिफारिसमा साउन ३ गते अपराह्न ४ बजेका लागि राष्ट्रपति भण्डारीले संघीय संसद्को दुवै सदनको अधिवेशन बोलाएकी हुन् ।
आज बसेको मन्त्रिपरिषद् बैठकले प्रतिनिधि सभा र राष्ट्रिय सभा अधिवेशन बोलाउन राष्ट्रपति भण्डारीसमक्ष सिफारिस गरेको थियो ।
गत सोमबार सर्वोच्च अदालतले प्रतिनिधि सभा पुनर्स्थापना गर्दै संसद् अधिवेशन साउन ३ गते बेलुकी ५ बजेभित्र बोलाउन आदेश दिएको थियो ।
