मनकामना स्मार्ट लघुवित्त वित्तीय संस्थाले प्राथमिक शेयर (आइपीओ) बाँडफाँट भएको छ।आइपीओ बाँडफाँटमा गोलाप्रथाबाट ३६ हजार ३४९ जनाले १०/१० कित्ताका दरले शेयर प्राप्त गरेका छन् भने दुई भाग्यशालीले ११/११ कित्ता प्राप्त गरेका छन्।
संस्थाले गत असार १७ गतेबाट १०० रुपैयाँ अंकितदरका कूल ३ करोड ८९ लाख रुपैयाँ बराबरको ३ लाख ८९ हजार कित्ता आइपीओ निष्काशन गरेको थियो।
जसमध्ये कुल पुँजीको ० दशमलव ५ प्रतिशतले हुन आउने ६ हजार ५८ कित्ता संस्थाका कर्मचारीहरुलाई र सर्वसाधारणका लागि जारी गर्न लागेको पुँजीको ५ प्रतिशतले हुन आउने १९ हजार ४५० कित्ता सामुहिक लगानी कोषका लागि छ्ट्याइएको छ। बाँकी ३ लाख ६३ हजार ४ सय ९२ कित्ता सर्वसाधारणका लागि छुट्याइएको हो।
आइपीओको नतिजा कम्पनीको वेबसाइट, बिक्री प्रबन्धक एनएमबी क्यापिटलको वेबसाइट, मेरो शेयर र सिडीएसको नयाँ वेबसाइटबाट हेर्न सकिने छ।
