जसपा नेतृत्वको प्रदेश २ सरकारमा नेकपा माओवादी केन्द्र सहभागी नहुने भएको छ ।
यसअघि जसपाले माओवादीलाई दुई मन्त्रालय दिने अनौपचारिक सहमति गरेको थियो ।
तर, कांग्रेससँगको सत्ता सहकार्यपछि जसपाले माओवादीलाई एउटा मन्त्रालय मात्रै दिने भनेपछि माओवादी सरकारमा नजाने भएको हो ।
कांग्रेससँग बुधबार सहमतिपछि जसपाले माओवादीसँग पनि वार्ता सुरु गरेको थियो ।
वार्तामा माओवादीले दुई मन्त्रालय मागेको तर जसपाले कानुन तथा प्रदेश मामिला मन्त्रालय मात्रै दिने अडान लिएपछि वार्ता भाँडिएको थियो ।
