‘यो भेरिएन्ट अत्यन्तै संक्रामक छ र हावामा एक घन्टासम्म बस्न सक्छ,’ श्री जयवर्दनपुरा विश्वविद्यालयमा इम्युनोलोजी एन्ड मोलिक्युलर सायन्सेज विभागकी प्रमुख नीलिका मालाविगेले भनिन्, ‘देशमा फेला परेको कोरोना भेरिएन्टमध्ये यो सबभन्दा बढी संक्रामक हो । यो स्ट्रेन हावामा रहन्छ र ड्रपलेटहरू लगभग एक घन्टासम्म हावामै तैरन सक्छन् ।’
श्रीलंकामा गत साता नववर्षको उत्सव मनाउँदा भएको भीडभाडका कारण नयाँ भेरिएन्ट द्रुत गतिमा फैलिएको त्यहाँका स्वास्थ्य अधिकारीहरूले बताएका छन् । साथै थप सतर्कता आवश्यक रहेको पनि उनीहरुको ठहर छ । श्रीलंकामा अहिले सरकारले थप संक्रमण बढ्न नदिन विभिन्न किसिमका प्रतिबन्धहरु लगाएको छ, जुन आगामी मे ३१ सम्मका लागि बढाइएको छ ।
