काठमाडौं : पूर्व राजा ज्ञानेन्द्र शाहले आफ्नो भारत बसाइलाई सहज बनाएकोमा भारत सरकार र भारतीय जनताप्रति आभार व्यक्त गरेका छन् । आइतबार भारत भ्रमणपछि स्वदेश फर्किएका पूर्व राजाले एक विज्ञप्ति जारी गर्दै आभार व्यक्त गरेका हुन् । साथै विज्ञप्तिमा भारत भ्रमण सम्पन्न गरेर स्वदेश फर्कँदा विभिन्न संघसंस्था तथा नेपाली जनसमुदायबाट दर्साइएको स्वागत सम्मानका निम्ति पनि पूर्वराजाले आभार प्रकट गर्दै धन्यवाद व्यक्त गरेका छन्।
